تبنى الفنان محمد قدري مبادرة لدعم الفنان محمد خميس، عبر حسابه الرسمي بموقع التواصل الاجتماعي “فيسبوك”، وكتب قائلا:” ممكن نعمل شير للبوست؟
الموضوع باسم سامح حسين آخر
اللي في الصورة دي اسمه الدكتور والفنان والباحث الأثري محمد خميس، أنا أعرفه من فترة كبيرة كصحفي بيكلم فنان، كان عامل دور مهم جدا وكانت أول مكالمة، الراجل ده من أطيب الناس وأشطرهم ومثقف جدا، وأنا متابعه من فترة، محمد خميس في الأصل طبيب أسنان، لكن هوايته الفن والتاريخ، شوفناه في أعمال كتير جدا يمكن للأسف البعض علقت معاه بعض الأدوار اللي طلع فيها بلط .. جي لكنه عمل حاجات تانية كتير آخرها مسلسل الشرنقة ومن أعماله “حق عرب والنهاية وزلزال وأفراح إبليس وأهو ده اللي صار” وغيرها
كتب روايات وكتب وآخر مرة كلمته خلال معرض الكتاب الماضي وعمل شغل حلو وتوزيع عالي، الحلو بقى واللي من وجهة نظري المتواضعة وأهم حاجة شايفها حلوة إنه شغال من فترة كباحث أثري وعامل قناة وصفحة على فيس بوك بيبث فيديوهات من المعابد والمتاحف بيشرح حضارتنا الفرعونية بمعلومات موثقة وبيشرح بحب.. ده محتوى يجب تشجيع ونقف معاه وندعمه.. زي ما دعمنا سامح حسين لازم ندعمه هو عامل صفحة اسمها “أحفاد الحضارة المصرية”.
